partekatu
• SAN SILVESTRE LASTERKETA
Abenduaren 31n, 16:00etan egingo den Lasarte-Oriako San Silbestre IX. edizioa aurkeztu dute
San Silvestre Lasarte-Oria Kultur eta Kirol Elkarteak eta Udalak herri probaren xehetasunak eman dituzte, eta urte amaierako arratsaldean berriz ere jai giroz beteko dira herriko kaleak.
Joan den asteazkenean, abenduaren 10ean, Lasarte-Oriako Udaletxean aurkeztu zen San Silvestre Lasarte-Oria lasterketaren IX. edizioa. Prentsaurrekoan, Zerbitzu Publikoetako zinegotzi eta San Silvestre Lasarte-Oria Elkarteko kide David Mateos Jiménezek eta Josu Galdos antolatzaileen ordezkariak parte hartu zuten. Probaren ezaugarri nagusiak zehaztu zituzten, eta herritarrak parte hartzera animatu zituzten.
Lasarte-Oriako San Silbestre lasterketa abenduaren 31n ospatuko da, 16:00etatik aurrera, udalerriko kaleetan zehar 5 kilometro pasatxoko ibilbidea eginez. Proba laburra izango da, atletismo eta martxa nordikoa modalitateekin, 16 urtetik gorako pertsonei zuzendua. San Silvestre Lasarte-Oria Kultur eta Kirol Elkarteak Lasarte-Oriako Udalaren babesarekin antolatutako lasterketaren 9. edizioa izango da aurtengoa.
Aurkezpenean, gogorarazi zen izen-ematea irekita dagoela jada, probaren webgune ofizialean SanSilvestreLasarteOria.com. Antolatzaileek behin eta berriz esan zuten komenigarria dela aldez aurretik izena ematea, plaza bermatzeko eta lasterketaren planifikazio logistikoa errazteko.
Mateosek Udalak proban duen inplikazioa azpimarratu zuen, maila logistikoan zein ekonomikoan, eta elkarte antolatzaileak egiten duen lana nabarmendu zuen, boluntarioek osatzen baitute osorik. Udalaren lankidetza tokiko sustapeneko Tratu On Bat markaren bidez ere bideratzen da. Marka horrek, besteak beste, motxilak ematen dizkie izena eman duten pertsonei, eta lasterketa eta tokiko merkataritza ikusarazten laguntzen du.
Lasarte-Oriako San Silvestre Elkartetik lasterketaren izaera herrikoia eta jai-girokoa azpimarratu zuten, eta gogorarazi zuten parte hartzaile guztiak animatzen direla mozorrotuta joatera eta abenduaren 31ko arratsaldea kalean kirol-festa handi gisa bizitzera. Eguna amaitzeko, animazio giroa izango da ibilbidean eta irteeran eta helmugan, herriko hainbat eragile eta establezimenduren laguntzari esker.
Lasarte-Oriako eta inguruko herrietako pertsona guztiei Lasarte-Oriako IX. San Silbestre lasterketan parte hartzeko gonbitea eginez amaitu zuten aurkezpena Udalak eta antolatzaileek, bai korrika edo oinez, bai espaloietatik animatuz, bai informazio praktiko guztia probaren kanal ofizialetan kontsultatuz.
Ordutegiak:
- 11:00 – Buruhandiak eta erraldoiak / Gigantes y Cabezudos
- 12:00 – Haur-kanpaikadak / Campanadas infantiles (Porrotxekin)
- 11:30–13:30 – Pintxo-pote solidarioa musikaz girotua / Pintxo pote solidario con animación musical
- 15:30 – Beroketa / Calentamiento musical
- 16:00 – Lasterketa / Carrera
